Nýtt upphaf hjá Mogganum

Það fer ekki framhjá neinum að það er kominn nýr maður við stjórnvölinn á Mogganum.  Það er ekki laust við það að ferskir vindar blási um ritstjórnina.  Blaðið virðist léttara og allt í takt við nútímann.  Ólafur breytti Blaðinu á sínum tíma og bylti því og um leið jók lestur blaðsins.  Spurning hvort að þetta sé ekki orðin krafa hjá hluthöfum Árvakurs.  Vilji fá blað sem skilar hagnaði og er ekki málsvari ráðandi afla heldur almannahagsmuna eins og komið er að orði í Mogganum í dag.

 Vil óska áskrifendum og starfsfólki Morgunblaðsins til hamingju með þetta framfararskref sem stigið var með blaði dagsins í dag.

Athugasemdir

[Ólöf Jóhanna Pálsdóttir, 3.6.2008 kl. 15:16]

Ekki fann ég nú fyrir mikilli breytingu á Mogganum í dag, en kannski er ég bara undir áhrifum veðursins og það sé bara þungbúið í sálinni í dag. En ég tek undir hamingju óskir til nýja ritstjóra og óska blaðinu allra heilla.