Að gera sín orð annara = Oddur Helgi

Las í Hríseyjarferjunni í dag grein eftir Odd Helga bæjarfulltrúa um innkaupareglur Akureyrarbæjar.  Þær reglur segja að það eigi að vera regla frekar en undantekning að fara með verk í útboð.  Oddur Helgi segir í grein sinni eitthvað á þá leið að meirihlutinn segi að farið sé frekar frjálslega með undantekningarákvæðin í reglunum og að ekki sé hægt að fara eftir þessum reglum þar sem þær eru meingallaðar.  Þegar ég las greinina þá fór ég að velta fyrir mér hvort að Oddur hefði lesið sömu fundargrein og ég af fundinum....eða fór ritari fundargerðinnar frekar frjálslega með það sem sagt var á fundinum.  Hann virðist gera sín orð sem hann bókar að orðum meirihlutans í greininni.  Því miður er greinin ekki inn á www.vikudagur.is

Í fundargerð bæjarráðs 17. apríl s.l. stendur:

8.          Innkaupareglur Akureyrarbæjar
2008020074
9. liður í fundargerð bæjarráðs dags. 6. mars 2008, þar sem Oddur Helgi Halldórsson óskar eftir yfirliti um hvenær 17. grein Innkaupareglna Akureyrarbæjar hefur verið beitt, á árinu 2007 og það sem af er 2008.
Inga Þöll Þórgnýsdóttir bæjarlögmaður og Guðríður Friðriksdóttir framkvæmdastjóri Fasteigna Akureyrarbæjar mættu á fundinn undir þessum lið.
Minnisblað lagt fram til kynningar.
       
Oddur Helgi Halldórsson lagði fram svohljóðandi bókun:
   "Það var tilgangur með setningu Innkaupareglna að útboð væri meginreglan.  Einnig sbr. bókanir við samþykkt fjárhagsáætlunar.  Ef við getum ekki farið eftir eigin reglum vegna þess að þær eru gallaðar, ber okkur að breyta þeim.  
Mér finnst undanþáguákvæði hafa verið túlkað frjálslega og er ekki sammála í öllum tilfellum.
Það ætti að vera vinnuregla þegar undanþáguákvæði er beitt að því fylgi skriflegur rökstuðnungur ásamt formlegu samþykki frá þeim aðila sem undanþáguna veitir."

Bókun meirihlutans er eftirfarandi:
   "Meirihluti bæjarráðs áréttar að undanþága frá útboði skv. 17. gr. Innkaupareglna Akureyrarbæjar hefur ekki verið veitt árin 2007-2008 nema ríkar ástæður hafi verið fyrir hendi.
Þær ástæður sem hafa réttlætt undanþágu eru af ýmsu tagi, en fyrst og fremst skýrist beiting undanþáguákvæðisins af þenslu á byggingamarkaði.  Akureyrarbær hefur í þessum tilvikum leitað til þeirra fyrirtækja sem hafa haft forsendur til að framkvæma verkið.
Vinna við endurskoðun Innkaupareglna bæjarins er hafin og þessi umræða sýnir nauðsyn þess."

Ég skil ekki túlkun Odds á orðum meirihluta samkvæmt greininni.  Kannski getur einhver frætt mig.

Athugasemdir

[Páll Jóhannesson, 27.4.2008 kl. 23:35]

Oddur verður nú ekki skotaskuld úr því að skýra út fyrir þér- okkur- öllum hvernig í málunum liggur - hann bara situr hjá eins og venjulega.

[Páll Jóhannesson, 27.4.2008 kl. 23:36]

Hefði átt að byrja athugasemdina ,,Oddi verður ekki...."

[Víðir Benediktsson, 27.4.2008 kl. 23:55]

þetta er ekkert flókið. Bærinn setti sér reglur og er ekki að fara eftir þeim sjálfur. Meginreglan á að vera útboð en sú regla hefur verið margbrotinn. Bæði hvað vaðar ástæður fyrir annari aðferð og ekki síst hver hefur heimild til að veita undanþágu frá þessu ákvæði. Eins og stjórnsýslan er í dag er það eingöngu bæjarstjóri eftir að störf sviðsstjóra voru lögð niður. Þessi regla hefur verið þverbrotin. Er tilbúinn að fara í gegnum þetta með þér hvenær sem þú vilt. getum tekið eitt verk fyrir í einu ef þú kærir þig um.

M.b.k. VB 

[Ólöf Jóhanna Pálsdóttir, 29.4.2008 kl. 21:37]

Betra er að kenna ráðin en halda þau.