Hvíldardagur MA

Ég lenti einmitt í þessum hvíldardegi á því ári 1996 (lr.) og var þetta skemmtileg tilbreyting að hafa svokallaðan hvíldardag.  Hinsvegar er gaman að sjá hversu margir eru klikka á þessum hlaupársdegi þ.e. að reikna aldur sinn.  Þannig sló Morgunblaðið upp á baksíðu í gær að maður sem væri orðinn 96 ára væri að halda upp á 24 ára afmælið sitt.  Þetta er rangt þar sem á árinu 2000 var ekki hlaupársdagur.  Á hverju nýju árþúsundi er ekki hlaupársdagur og því var þetta 23 afmælisdagur viðkomandi.  [lr. að sjálfsögðu var hlaupár á þessu ári - leiðrétti mig hér með]

Vill annars óska MA ingum til hamingju með þennan hvíldardag og vona að þeir hafi nýtt hann til að hvílast all hressilega.  Ekki dónalegt að fá þriggja daga helgi.

Hlaupársdagur er hvíldardagur

Athugasemdir

[Valdimar (IP-tala skráð) 29.2.2008 kl. 16:55]

Hm, er þetta ekki ritvilla?

Var hlaupár árið 1998?

Alveg fór þá hvíldar- og hlaupársdagurinn fram hjá mér. 

[Gestur (IP-tala skráð) 29.2.2008 kl. 17:22]

Bíddu ha?! Nú ferðu með fleipur, árið 2000 var hlaupár, þar sem hlaup eru á 4 ára fresti þá þarf ekki að reikna lengi til að sjá að þar sem 2008 er hlaupár þá var 2004 hlaupár síðast, svo 2000 og þar á undan 1996. Reglan er sú að hlaupár sé á því ári sem talan 4 gangi upp í nema á aldamótaárum nema talan 400 gangi upp í árið.

[Þorbjörg (IP-tala skráð) 29.2.2008 kl. 17:24]

Ef 4 ganga upp í árhundraðið þá er hlaupársdagur. Þess vegna var árið 2000 með 29. febr. Núna er 2008, síðast var hlsupársdagur 2004 og þar á undan árið 2000.

[Jóhann Jónsson, 29.2.2008 kl. 17:56]

Það er alveg ljóst á því að hugur minn hefur tekið sér hvíld þegar ég bloggaði þetta.  Auðvitað er þetta árið 1996 sem ég upplifði hvíldardaginn.  Þetta með árið 2000 var eitthvað sem ég var gjörsamlega búinn að bíta mig.  Ég þakka leiðréttingarnar sem mér hafa borist.

[Páll Jóhannesson, 1.3.2008 kl. 00:06]

Hlaupársdagur - var þá ekki við hæfi að hlaupa á sig?