Skaupið er Super Bowl Íslands

Í Bandaríkjunum þá keppast stórfyrirtækin um að frumsýna auglýsingar í kringum Super Bowl.  Fyrirtæki borga duglega fyrir að koma sínum skilaboðum á framfæri á sem bestum tíma enda ná þeir flestum fyrir framan sjónvarpið á meðan leiknum stendur.

Það má því segja að litið sé á Skaupið sömu augum.  Kaupþing frumsýndi nýja auglýsingu með Randver og Cleese eins og frægt er, tók eftir nýrri auglýsingu frá TM og síðan má ekki gleyma auglýsingunni frá Remax sem allir biðu eftir.  Sú auglýsing var virkilega vel gerð.  Góð ímyndarauglýsing.  Remax hefur alltaf virkað á mig að þarna séu sölufulltrúar sem svífast einskis til þess eins að ná söluþóknuninni.  Auglýsingarnar sem þeir nota hafa verið þannig.  Stórar myndir af sölufulltrúum fyrirtækisins og skipta þeir ekki minna máli en húsin sem þeir eru að selja.  Við auglýsinguna í Skaupinu breytist þetta viðhorf mitt - ég hugsaði með mér, þeir vilja selja mér hús sem ég er virkilega ánægður með.  Þeir ættu því að breyta auglýsingataktík sinni strax í takt við þessa auglýsingu.  Auglýsa - ánægja þín skiptir okkur máli.  Leggja meiri áherslu á húsin og e.t.v. minni á sölumennina.  Ég held að þeir muni ekki nýta það tækifæri heldur einungis halda áfram uppteknum hætti og viðhorf mitt til þeirra verður eins og áður hefur verið. 

Það er nefnilega ekki nóg að auglýsa einu sinni gríðarlega ímynd og geta svo ekki staðið undir því eða klikka gjörsamlega á því að hafa auglýsingarnar í sama anda eftir þessu framtaki.

Athugasemdir

[Dax (IP-tala skráð) 4.1.2008 kl. 04:20]

Ég tók nú eftir annarri auglýsingu fyrir skaupið; nefnilega frá hljómsveitinni Bermúda. Þarna var Glitnir, Actavis, Kaupþing, Atorka... og svo hljómsveitin BERMÚDA! Halló! Sá svo auglýsinguna þeirra á kvikmynd.is... fékk mig algjörlega til að sussa og kalla á ættingjana úr kokteilabrasi í eldhúsinu :). Ég tek ofan fyrir þeim "minni" sem henda sér í svona dýran auglýsingaslag. Svo var auglýsingin þeirra enginn eftirbátur stóru fyrirtækjana, gæðalega séð... allavegana ekki þarna á gamlárskvöld í hita leiksins.