Til hamingju með Daginn Reykvíkingar

Það má svo sannarlega óska Reykvíkingum öllum til hamingju með daginn.  Það má segja að þetta hafi verið gríðarlega stór dagur.  Ég var að tala við viðskiptavin í dag þegar ég þurfti á netið til að finna ákveðnar upplýsingar.  Er með mbl.is upphafssíðu og þá blasti þetta við mér - "Dagur næsti borgarstjóri".  Ég tók andköf og vissi ekki alveg hvernig ég átti að taka þessu.  Innst inni hafði ég vonað þetta en þótt að ég sé ánægður með að Dagur sé tekinn við þá er ég samt sem áður óhress með Björn Inga þarna inn - but what can you do?  Einn kostur við þetta er að hann sé ekki að vinna í hverri einustu nefnd á vegum Reykjavíkurborgar.  Reykvíkingar munu trúlega taka strax á málunum og má búast við að leikskólavandinn leysist fljótlega.  Spurning hvort að Villi sæki ekki um starf á einhverjum leikskólanum.  Til hamingju Samfylkingarfólk um allt land.

Var svo á körfuboltaleik áðan þar sem Þórsarar sigruðu ÍR í hörkuleik 87-85 en þetta er fyrsti leikur Þórs í Icelandexpress deildinni.  Mágurinn minn og tengdapabbi vinna nú hörðum höndum að grein um leikinn sem birtist inn á thorsport.is

Athugasemdir

[Páll Jóhannesson, 12.10.2007 kl. 15:37]

Dagur er upprisinn  Annars gaman af þessu oft er talað um að menn máli sig út í horn, en sjálfstæðismenn máluðu Villa út í horn.

[Páll Jóhannesson, 15.10.2007 kl. 17:09]

Hva - átti ekki að vera ein færsla á dag hér?