Að hitta naglann á höfuðið?

Það má segja að maður hafi reynt í orðsins fyllstu að reyna að hitta naglann á höfuðið.  Hann kom á spítala kvartandi undan hausverk.  Þegar hann var settur í sneiðmyndatöku þá kom í ljós að það voru þó nokkuð margir naglar í hausnum á honum og nokkrir voru aðeins örstutt frá miðju heilans.  Maður var frekar skakkur á lyfjum og var að reyna að fremja sjálfsmorð með naglabyssu.  Það má geta þess að maðurinn slapp án skaða eftir að naglarnir voru teknir úr honum.  Myndir og sagan á http://www.sky.com/skynews/picture_gallery/picture_gallery/0,,70141-1219626-1,00.html

 

Áfram Þór!

Var að lesa á textavarpinu áðan að mínir menn í Þór, Akureyri hefðu tapað fyrir FH í undanúrslitum deildarbikarsins 2-0.  Greinilegt er að Lárus Orri er að gera góða hluti með liðið og hlakka ég til að sjá hvernig liðinu vegnar í sumar.  Þórsarar urðu í 2. sæti í sínum riðli og voru með lið eins og ÍA, KR, Fram og Víking í sætum fyrir neðan sig.  Það má geta þess að ka var líka í þessum riðli og tókst þeim að falla úr A deildinni.  Þeir eru núna að örvænta og hafa kallað til fullt af útlendingum til að redda fótboltanum fyrir sig í sumar.  Ljóst er að Íslendingum vantar ekki bara vinnuafl í fiskinn heldur virðast ka menn vera alveg sama um þá stráka sem eru að koma upp úr flokkunum.  Þórsarar munu nær eingöngu byggja upp á heimamönnum ef frá er talin Ibra Jagne.

Ég var að vonast til að ka menn gætu að einhverju leyti komið með álitlega heimasíðu fyrir fótboltann hjá sér og verð ég að segja að sú heimasíða hefur valdið mér vonbrigðum.  Ef þið viljið líta á hana þá er örugglega hægt að finna á google eða eitthvað álíka.  Þeir strákar sem eru aftur á móti með handboltasíðuna hjá ka fá hrós.  Mögnuð síða og virkilega gaman að sjá t.d. tölfræði úr leikjum og annað slíkt.  Greinilegt að mikill metnaður er hjá þessum strákum.  Heimasíða Þórs (http://www.thorsport.is) stendur alltaf fyrir sínu þótt að menn mega taka sig örlitið á.

Jæja nóg skrifað í bili um íþróttir