Til hamingju Húsvíkingar! Nú er tækifærið!

Ég vil nýta tækifærið og óska Húsvíkingum innilega til hamingju með þessa ákvörðun.  Húsvíkingar hafa verið steyptir í þeirri skoðun sinni að það eigi að rísa álver á Bakka en upp á síðkastið hafa Alcoa menn dregið lappirnar og á meðan átti orkan að vera eyrnamerkt Alcoa.

Nú hafa Landsvirkjun og Þeystareykir ákveðið að leita að öðrum orkukaupanda og ég tel að það verði ekki vandamálið að selja orkuna.  Ég vil hinsvegar sjá að þessi orka sem verður til þarna verði nýtt í atvinnuuppbyggingu á Bakka eða þar í nágrenni.

Ég var á fundi um daginn með formanni iðnaðarnefndar og framkvæmdarstjóra Atvinnuþróunarfélags Eyjafjarðar (AFE) og veit ég ekki betur en að þau hafi sömu skoðun og ég um nýtingu orkunnar á svæðinu og var Magnús Ásgeirsson framkvæmdarstjóri AFE með ákveðnar hugmyndir í þessum málum og vona ég svo sannarlega að Húsvíkingar, Þeystareykir, Landsvirkjun og AFE setjist niður og komi með aðgerðaráætlun Húsavík til heilla!

Eyjafjörður mun óhjákvæmilega fá töluvert út úr því að Húsavík fái stóriðju og því alveg sjálfsagt að sveitarfélögin setji kraft í að finna annað en álver.

Koma svo!

Hætt við stækkun í Straumsvík

Athugasemdir

[Sigurjón Benediktsson, 15.12.2008 kl. 09:22]

Þetta innlegg sýnir okkur hvernig komið var í veg fyrir að ákvörðun um atvinnuuppbyggingu í Þingeyjarsýslum. Þetta á auðvitað að vera hamingja Eyfirðinga!!?

Þessi Akureyrarapparöt hafa ávallt verið á móti nýtingu orkunnar annarsstaðan en í  Eyjafjarðarskurðinum. Til þess nutu þeir stuðnings ráðherra Samfylkingar og fjármálaráðherra. Þessar "ákveðnu " hugmyndir ykkar eru öllum kunnar og ekki bitastæðar frekar en önnur innlegg AFE í þessu máli. Ekki eyða mikilli orku í að funda um orkunýtingu frá háhitasvæðum Þingeyjarsýslu. Við sjáum um það.

[Jóhann Jónsson, 15.12.2008 kl. 09:49]

Ég vil bara koma því á framfæri að það er einskær vilji allra þeirra sem ég hef fundað eða rætt við um orkuna á Þeistareykjum að hún verði nýtt til atvinnuuppbyggingar á Húsavíkur og hvergi annarstaðar.  Orkan nýtist best með því að flytja hana sem stystu vegalengd og því meira en sjálfsagt að á Húsavík rísi stóriðja.

Ég mun svo sannarlega styðja það og tilbúin að koma að því máli að á Húsavík verði reist stóriðja.  Nú vil ég að Eyfirðingar og Þingeyingar standi saman og komi einhverri annarri stóriðju á Húsavík en álver.

Áfram Húsvíkingar.  Við skulum vinna hratt í hlutunum því Alcoa er búið að setja á pásu