Þurfum við þá ekki að gæta jafnræðis líka?

Það fyrsta sem ég velti fyrir mér í þessu hvort að þetta væri nýjasta töfrabragðið frá Framsók.

Ef við eigum að njóta jafnræðis og fá sömu kjör og tryggingasjóðir þessara landa þurfum við þá ekki að láta sparifé-eigendur í Hollandi og Bretlandi einnig njóta jafnræðis og tryggja innistæður þeirra að fullu?  En í þessu Icesave máli erum við að brjóta jafnræðisreglu en inneignir allra í íslenskum bönkum á Íslandi er tryggðar að fullu á meðan inneignir í íslenskum bönkum erlendis eru það ekki.  Hvar er jafnræðið þarna?

Hvað kostar það ef við gætum jafnræðis þarna líka?  Værum við að kasta krónunni til að spara aurinn?


mbl.is Gæti sparað 185 milljarða
Tilkynna um óviðeigandi tengingu við frétt

Þórsvöllur

Orðið Þórsvöllur eða Íþróttasvæði Þórs virðist vera erfitt fyrir frjálsíþróttafólk að skrifa eða nefna á nafn.  Sú glæsileg frjálsíþróttauppbygging sem gerð var fyrir Landsmót UMFÍ var gerð á Þórsvellinum sem er á Þórsvæðinu.  Það sem vekur furðu mína er hversu erfitt frjálsíþróttafólk á með að nefna Þór á nafn þegar rætt er um frjálsar íþróttir.  Á Landsmótinu hét svæðið Frjálsíþróttavöllurinn við Hamar eða Frjálsíþróttasvæðið við Hamar.

Við skulum kalla þennan völl því nafni sem hann hefur heitið frá upphafi.  Þórsvöllur hét hann fyrir uppbyggingu, Þórsvöllur hét á meðan uppbyggingu stóð og Þórsvöllur heitir hann eftir uppbyggingu og mun heita það um ókomna framtíð.

Ég fagna því að þetta mót skuli vera haldið á Þórsvellinum næsta sumar í þeirri glæsilegu frjálsíþróttaaðstöðu sem gerð hefur verið.  UMSE og UFA eiga hrós skilið að sækja um að halda þetta mót og er ég þess handviss að allir Akureyringar séu tilbúnir að leggja þeim lið við að gera þetta mót sem glæsilegast.


mbl.is Stórmót í frjálsíþróttum á Akureyri 2010
Tilkynna um óviðeigandi tengingu við frétt

Nú fer þetta loksins að ganga

Það hefur verið endalaust þras í kringum þetta Icesave en nú sér maður fyrir endann á þessu.  Jóhanna og Steingrímur hafa unnið hörðum höndum við að tryggja málstað okkar Íslendinga.  Að halda því fram að þau séu í þessum leik í einhverjum annarlegum tilgangi er svo gjörsamlega út í hött.  Verk Jóhönnu hafa sýnt það að hún hefur velferð Íslendinga að leiðarljósi og er enginn breyting á því í þessu Icesave máli.  Við þurfum að standa við skuldbindingar okkar svo að fyrirtæki á Íslandi geta haldið áfram að vera í viðskiptum við erlenda aðila og njóta trausts.  Traust sem íslensk fyrirtæki hefðu unnið sér inn hjá erlendum fyrirtækjum með margra ára viðskiptum hvarf við hrunið á síðasta ári. 

Ef við ætlum ekki að standa við alþjóðlegar skuldbindingar hvað verður þá um íslensk fyrirtæki sem þurfa að staðgreiða þá allar vörur fyrirfram og eiga þá einnig í erfiðleikum að fá gjaldeyri þar sem við verðum ekki í alþjóðlegu samstarfi við önnur ríki um lán og lánalínur. Hvað eigum við að gera þá?

Ég hlakka til þess dags þegar Icesave málið hefur verið afgreitt!


mbl.is Sátt við Icesave-niðurstöðu
Tilkynna um óviðeigandi tengingu við frétt

Afturkreistingur

Hvað verður til þess að maður fari að tala um afturkreisting.  Jú málið er að í þættinum Ísland í Bítið á Bylgjunni á þriðjudagsmorgunn var Agnes Braga viðmælandi rétt fyrir klukkan átta.  Ég er einmitt um það leyti að keyra stráknum mínum í leikskólann.  Ég hlusta á Bylgjuna og heyri að talið berst að Borgarahreyfingunni.  Þá segir Agnes Braga að Borgarahreyfingin sé munaðarlaus afturkreistingur með engu forystu.

Eigum við að treysta þessum blaðamanni að segja hlutlaust frá?  Ég hef allavega fyrivara á því sem ég les frá henni.


Takk Ásta!

Loksins er kominn forseti Alþingis með bein í nefinu.  Oft hefur maður horft á Alþingi þar sem fólk hefur kvatt sér til hljóðs undir fundarstjórn forseta og oft skilur maður ekki af hverju viðkomandi gerði það.  Sigmundur byrjar að óska eftir því að forsætisráðherra verði viðstaddur svo að hægt sé að spyrja hana spurninga um ESB aðildarumsókn Íslands og svo fer hann að lesa upp úr Fréttablaðinu.  Hvað hefur þetta að gera með fundarstjórn forseta?   Af hverju tekur hann ekki til máls undir störf þingsins með þetta mál?  Ef Sigmundur myndi eyða e.t.v. minni tíma í að lesa blöðin og skoða dagskrá Alþingis þá hefði hann séð að forsætisráðherra tekur þátt í óundirbúnum fyrirspurnartíma 18. júní kl. 13.30.

Ég vil að Ásta Ragnheiður haldi þessari línu áfram í starfi sínu og fagna ég þessu hjá henni.  Haltu áfram svona Ásta!


mbl.is Óásættanleg framkoma forsetans
Tilkynna um óviðeigandi tengingu við frétt

Minning um afa

 Í dag kveðjum við Andrés afa.  Andrés afi var einstakur maður.  Hann var alltaf tilbúinn að hjálpa og öllum sem komu í heimsókn voru ávallt velkomnir.  Ég gleymi aldrei þegar maður var minni og kom í Klapparstíg til ömmu og afa þá fór afi oft niður í kistuna og náði í ís handa börnunum.  Þegar ég var í Menntaskólanum þá rölti ég oft til ömmu og afa í hádeginu og fékk hádegismat hjá þeim.  Eftir matinn fengum við okkur, ég og afi, lúr og skutlaði afi mér svo í skólann þegar ég átti að mæta eftir hádegið. 

Þeir hafa verið ófáir leikirnir á Akureyrarvelli sem hafa verið horft á úr stofuglugganum í Klapparstíg og á hverjum leik bauð afi og amma upp á kaffi og með því.  Afi hafði mikinn áhuga á fótbolta og missti varla úr leik í enska boltanum.  Börnin mín munu sakna langafa síns og ljóst að ófædda barnið okkar mun ekki hitta langafa sinn úr Klapparstíg.  Við munum hinsvegar vera dugleg að segja því barni frá afa og ömmu úr Klapparstíg en einnig er minningin um langafa og -ömmu rík í börnum okkar.

Afi og amma í Klappó verða alltaf í minningunni og í dag þegar við kveðjum afa heldur hann til móts við Dísu ömmu og sameinast þau aftur á góðum stað.  Þau verða í hjörtum okkar í dag þegar við verðum öll saman komin á þessari kveðjustund sem verður í Glerárkirkju í dag.

Minningin lifir um alla eilifð


Raunhæf samgöngubót fyrir landsbyggðina

Verð að hrósa Samgönguráðherra fyrir þetta framtak.  Þessi samgöngumiðstöð tengir saman innanlandsflug og Flugrútuna.  Hinsvegar besta samgöngubótin í þessu er að við fáum þá virka samkeppni í innanlandsflugi.  Ég reikna með að Iceland Express fari nú á fullt að undirbúa innanlandsflugið!

Áfram svona Möller!


mbl.is Framkvæmdir við samgöngumiðstöð geti hafist í ár
Tilkynna um óviðeigandi tengingu við frétt

Man Dabbi eftir þessu?

Rétt eftir 5 mín þá byrjar fréttamaðurinn að tala um heimsókn sína í Seðlabankann og þá talar Davíð um vaxtaálagið.

Þegar um 8 mín. eru búnar kemur Davíð aftur og talar um hvað bankarnir eru sterkir.

Sjá frétt Channel4 á http://www.channel4.com/news/articles/business_money/how+safe+are+your+savings/1697147

 


Samfylking tekur af skarið!

Betra er seint en aldrei.  Ingibjörg Sólrún er mætt til starfa og hélt þrusuræðu í gær ef miklum eldmóð.  Þetta er aðeins fyrsta skrefið í átt að betra Íslandi.  Hvað fer á milli Ingibjargar og Geirs í dag þá tel ég það Íslandi best til heilla að núverandi stjórn komi sér saman um starfsvettvang næstu 99 daga undir forystu Samfylkingar.  Eina flokknum sem treystandi er til að hreinsa til og koma með LAUSNIR okkur til heilla.
mbl.is Björgvin segir af sér
Tilkynna um óviðeigandi tengingu við frétt

Skýrt dæmi að ríkisstjórnin þarf tíma

Þetta dæmi sýnir okkur að við Íslendingar verðum að vera tilbúnir með að bíða að selja eignir bankanna erlendis til þess að geta fengið sem hæsta verð fyrir eignirnar.  Við verðum að vera tilbúin til að bíða.

Ég vil þó taka fram að ég vil samt sjá breytingar þótt að þetta stjórnarsamstarf eigi e.t.v. rétt á sér.  Ég vil sjá hreinsun í Fjármálaeftirlitinu, Seðlabankanum, ríkisstjórn og einnig hjá Alþingi. Ég vil sjá menn axla ábyrgð!

Ég spyr:  Hvað sparast miklir peningar með því að hætta með aðstoðarmenn alþingismanna.  Þeir eru kannski nauðsynlegir svo að þingmenn geti sinnt öllum tómstundum sínum  eins og námi eða vera í bæjarráði sveitarfélagsins síns eða gegna trúnaðarstörfum fyrir flokkinn sinn.  Burt með aðstoðarmennina.


mbl.is Glitnir ASA seldur á brot af raunvirði
Tilkynna um óviðeigandi tengingu við frétt

Næsta síða »

Um bloggið

Jói Jóns

Höfundur

Jóhann Jónsson
Jóhann Jónsson

starfa sem verkefnastjóri hjá Dekkjahöllinni.  Er Formaður Sölku, Ungra jafnaðarmanna á Akureyri.  Þórsari og umfram allt Akureyringur. 

Sendið mér póst á joijons@internet.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • jj4
  • undirskrift
  • ...joi_arsenal
  • ...7203706_web
  • ...p7203706

Nota bene

Veðrið

Veðrið á Akureyri
Click for Akureyri, Iceland Forecast
Veðrið í Leicester Click for Cottesmore, United Kingdom Forecast

Vinir og ættingjar

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband